與樂基兒（Gaile）同一模特兒公司的諸葛梓岐（Marie），日前爆對方還未約滿舊公司，前晚Marie出席飯局時澄清是誤會：「我當時係話唔知，其他人誤會咗我嘅意思。」但Marie表示不怕Gaile誤會：「大家都好熟，佢係我好勁嘅師姐，我好敬重佢，亦唔捨得佢走，希望佢多啲返娘家。（會唔會跟Gaile過檔新公司？）我未約滿，唔會考慮呢個問題。我同公司合作愉快，好開心，公司好錫我。」
另外，Marie將赴日本與周秀娜及Angelababy同場行騷，她說：「大家會互相鼓勵，為港模爭光。（會否順道瘋狂購物？）唔會，依家想增值自己，學唱歌跳舞，希望多方面發展。（去唱K練歌？）唱K同練歌係兩回事，我好鍾意唱歌，最鍾意唱容祖兒嘅歌，最想同劉青雲拍戲。」Marie表示今次到日本，男友薛嘉麟不會同行，因他太多工作，現在兩人見面時間也不多。