同是80年出生的樂基兒和熊黛林，今年29歲，雖然同是擁有「天王嫂」身份及貴為城中Top Model，可是絕對同人唔同命，Lynn不但沒有像Gaile得到另一半給予身份，與郭富城拍拖幾年間，只獲贈Mini-Cooper車一部，最慘是Lynn連交租都要靠自己，認真慘情！反觀Gaile除與黎明同住上水雙魚河獨立屋外，又有跑車遊艇揸手，絕對生活無憂！難怪Gaile昨日與Lynn同場時即晒命，透露有私己錢買樓贈雙親！

熊黛林（左）與樂基兒（右）見面時有打招呼。	打頭陣的熊黛林穿上熱褲露長腿行騷，性感時尚。	名模戴小奕（左起）、熊黛林、樂基兒、Mandy Lieu和Jocelyn，一同行騷。

唔靠老公仲開心

Gaile和Lynn昨日為Mulberry春夏時裝展行騷，壓軸表演的Gaile事先張揚因為有朋友來家作客，所以要趕返屋企煮飯！對於有指黎明於美國買下古堡贈外父外母一事，Gaile表示是獨立女性，完全不用靠老公：「我返去睇咗報道喇！原來係影咗我同屋企人嘅相，其實嗰時係聖誕節返美國陪媽咪，我又儲到啲錢，見樓價跌，媽咪話唔好擺啲錢喺度，就叫我買樓投資，當時係有睇樓，不過冇買到囉！」

黎明獲頒銅紫荊星章，拖着愛妻樂基兒出席慶功宴。資料圖片

熊黛林和郭富城的合照，僅限於早年拍攝的MV。資料圖片

她續說：「因為屋企依家得繼父一個做嘢，我又唔想佢咁大壓力，所以我有另一個Plan，買間平少少嘅樓畀佢哋喺美國收租！」雖然Gaile不願透露樓價，但強調今次買樓完全是靠自己：「其實我入行十年，都算係Top Top哋嘅Model，都儲到啲錢！」問黎明是否有份畀錢買樓？她說：「佢冇，因為係我買畀屋企人，我唔係嗰啲要人氹我嘅女仔！」問老公有否給她家用？Gaile說：「佢係我老公，對我好好，又照顧我，但我自己都有嘢做！」她更強調不用老公送樓：「我唔使佢送，因為咁會顯得我冇用，如果自己賺錢買會仲開心！」

另一邊廂，Lynn沒有Gaile那麼好運，無論衣食住行都要靠自己！據知，現正租住大坑細單位的她，將會搬往附近的700呎單位，可是未買樓的她仍要交租度日，城城卻絕不過問。

昨日打頭陣行騷的她，難怪對Gaile顯出無限的酸溜溜，對於早前Gaile出席活動時沒有跟她打招呼，Lynn說：「今次有喇！佢都冇嘢，上次只係誤會，嗰晚咁多人，佢聽唔到啫！」

談到師妹Angelababy與黃曉明的戀情，Lynn即強調是私人事，不想干涉她的私人生活。此外，對於疑似黃長發捲入慾照風波，問Lynn會否害怕拍了親熱照而遭勒索？她說：「我梗係冇影啦！都唔會畀人影，我好保守o架！」但談到會否與男友拍咀嘴照？她說：「都有試過影喺手機！」但當記者叫她騷出來時，她即說：「依家冇喇！」

樂基兒Gaile

年　　齡︰29歲

三　　圍︰32A、24、34

寓　　所︰上水St.Andrews Place豪華獨立屋

情人禮物︰黎明十分錫老婆，送車送樓送遊艇。

溫馨指數︰★★★★★

熊黛林Lynn

年　　齡︰29

三圍︰33C、24、34

寓　　所︰大坑騰黃閣

情人禮物︰城城對Lynn十分細心，到名店買浴袍、毛氈和香水作為情人節禮物。

溫馨指數︰★★★★