今年虎年，陸詩韻同小小So講希望兩方面發展順利，小小So問：「究竟邊兩方面發展順利？係咪事業同愛情？」陸詩韻話：「唔係，係娛樂圈事業同埋生意，兩方面發展順利。至於我嘅感情方面又點？依家冇拍拖，之前情人節都係自己一個人過，都唔知有咩做，咪落街放狗囉！其實我十年嚟第一次過單身情人節咋！」

另外，雖然陸詩韻已經減少喺娛樂圈曝光，不過佢同小小So講，話佢仍然好掛住以前幕前工作嘅日子，仲話絕對唔會退出娛樂圈，就好似佢之前出席新年活動時講：「今日嚟當係同啲同事（其他藝員）團年慶祝。」