梁詠琪（GiGi）昨日與徐濠縈出席MMM新店開幕酒會，問到品牌有否贊助她，GiGi說：「間中。（每季買幾多錢衫？）睇季節，我仲有其他贊助。其實我好慳，我諗住儲錢買樓，愈大愈想同屋企人關係Close啲，所以諗住送樓畀佢哋住近我。」另外，她表示沒有帶男友返家拜年：「男友未見過我屋企人，因為家人比較保守，第一日已經唔贊成我同外籍男士拍拖。（阻礙你哋發展？）佢哋好尊重我自由，慢慢嚟。」
至於徐濠縈則表示，囡囡的銀行戶口已有六位數字：「我教個女儲利是錢，佢一收到利是就遞畀我。（小富婆？）陳慧琳嘅蝦餃仔咁細個都有六位數，我個女五歲，OK啦！」她還透露不少親友託她買老公陳奕迅（Eason）的演唱會門票：「Eason依家好清閒，仲買早餐畀我同個女。（捧場？）我哋會睇第一場，但我唔想個女曝咁多光，依家諗緊攝咩位畀佢。」
