早前有傳未來奶奶開聲要求諸葛梓岐和陳法拉封嘴，家和萬事興，兩女曾一度停止罵戰，昨日年十一仍是新正頭，她們開始隔空開波，戰幔一觸即發！

諸葛梓岐昨日出席Clinique活動時，記者問到未來奶奶有否問起她與法拉的新聞，梓岐即厭惡地說：「你哋去麥當勞都唔會買肯德基嘅嘢啦！我同佢冇唔啱，但我唔回應佢嘅嘢。（知法拉生日？）邊個？係咩？咁生日快樂。（佢叫你一齊慶祝？）我自己都好多嘢做，你哋問番我嘅嘢啦！我個人喺度，唔好問人哋嘅嘢！」她澄清與男友薛嘉麟沒有分手，元宵佳節將與男友補祝情人節。

「去麥當勞唔會買肯德基」

另一邊廂，法拉昨日生日，仍為電視劇《公主嫁到》拍攝外景，未埋位前頻頻傳短訊，提到男友即不時冧笑，笑言還未收到男友任何表示，問到是否想收鑽戒作生日禮物？她說：「鑽戒好似好貴重，其實收咩禮物都冇所謂。（過年去薛家拜年？）有去好多地方拜年。（逗男友屋企人利是？）有，好大封。（喺薛家拜年撞見諸葛梓岐？）唔回應，（佢哋情變？）唔回應。」事後再問到諸葛梓岐指她是「肯德基」時，法拉繼續封口說不回應，實行以靜制動。

此外，法拉趁生日發放與馬浚偉的婚紗相，諸葛梓岐同日發婚紗相反擊！梓岐以半百萬元酬勞，首次擔任希臘女神婚紗代言人；而法拉的婚紗照是與馬浚偉為羅浮宮婚紗攝影公司拍攝的最新宣傳照，兩人合作無間，甚有默契，兩人平時互相催婚，馬浚偉還笑言等法拉出嫁才結婚，笑稱自己是「大舅」！

法拉昨日發放婚紗照，順道慶祝生日。設計對白	諸葛梓岐否認與男友分手 ，更會同度元宵佳節。	陳法拉拍劇時提起男友，即不時甜笑。