在Cookies年代情同姊妹的楊愛瑾（Miki）與傅穎（Theresa），現已各為其主，昨日在海運大廈LCX出席ZENSATION活動時更性感互撼！明顯「戰鬥格」的Miki，穿上藍色DVF谷胸Tube Dress現身，更大方坐下任影，令人眼前一亮！至於Theresa雖以白色吊帶短裙迎戰，但因擔心走光而十分拘謹，不停檢查胸前膠紙有否移位，更一度轉身整理。

搶盡風頭的Miki說：「為咗出席呢個活動，我特別揀咗Tube Dress令自己線條靚啲！（刻意谷咪？）本身有少少，再加啲啲囉！」她自誇有本錢，連助手及化妝師亦贊成她趁年輕騷Quali。至於Theresa則說：「我冇嘢睇，貼晒膠紙。」她坦言Miki在Cookies「四餅」中最有料，而她則是最不豐滿的一個。

Miki（左一）大方俯身玩遊戲，而Theresa（右二）則不時驚青掩胸。	全場焦點Miki，為李莉琳（右）示範護膚。	Theresa前晚出席春茗時表示，計劃轉型做跳唱歌手。

台灣學舞冇見敖犬

另外，Theresa前晚出席春茗時表示，農曆新年期間努力練舞，希望轉走跳唱路線，問到邊跳邊唱可會怕走音，她尷尬地說：「我唔理呢啲嘢，總之做好自己。」她還自爆專程往台灣學舞，問到有否與緋聞男友敖犬見面，她即連聲說「冇」，更發誓沒有講大話。