17/02/2010

播放本新聞相關短片

李卓庭唔諗愛情 求事業順利

歌手李卓庭與小師妹高晨維祝大家龍精虎猛,人人身體健康,至於事業方面,卓庭剛簽約新唱片公司,她表示一切重新開始,希望努力能獲肯定及認同,問到可會希望愛情有着落?卓庭笑說:「有就梗係好啦!但唔可以事業愛情混為一談,如果要揀,會首選事業先。」

由於新唱片公司現時只得卓庭及另外兩位新人,身為公司一姐可感到壓力?卓庭說:「冇呢樣嘢,最緊要係做好本分,好慶幸簽到呢間公司,畀到好大空間我做音樂,雖然生活費都係啱啱夠,但都會努力儲錢,希望有一日能夠做業主!」