17/02/2010

播放本新聞相關短片

祖藍做拚搏虎 Sherman升呢老闆娘

本文重點
英皇旗下歌手每年都會大唱賀年歌,以歌聲陪伴歌迷度新歲,今年古巨基及鍾欣桐率領泳兒、陳偉霆、洪卓立、鍾舒漫及王祖藍組成「飛虎群星」合唱團,祝願各界虎年行大運!

早前英皇群星推出的《飛虎群星賀新歲》備受各方好評,有份參與的泳兒、鍾舒漫(Sherman)、陳偉霆(William)、洪卓立及王祖藍都非常興奮,指虎年有個好開始!

去年憑《給自己的信》人氣急升的Sherman,除唱功備受外界關注,衣着品味同樣愈見個人風格。向來喜愛畫畫及設計的她希望進軍時裝界:「最好可以好似基仔咁,有個人時裝品牌。」父親是印尼華僑的Sherman慶祝農曆新年的方法亦很特別:「雖然爸爸好細個已經嚟咗香港,不過每年我哋都必定食印尼賀年食品,好似千層糕咁,媽咪就一定會煮湯圓,貪佢好意頭,雖然我哋係基督徒,不過都會照做呢啲傳統嘢,最緊要一家人開心嘛!」

William恨出國旅遊

榮升糖水店老闆的王祖藍,新店亦大受歡迎:「日日都Full晒!有時我落去都冇位,好多朋友已經試過,反應好好,希望今年可以開多兩間啦!」他表示新年決不休息,繼續密密接Job做隻「拚搏虎」:「唔密密做邊有錢開分店呀?」除做老闆外,祖藍今年亦會出碟,他笑言要跟林峯做「情歌王子」!

忙足一整年的William,難得有幾天假期,他表示必定要出國旅遊,行大運兼充電!至於將全面復出的洪卓立,農曆新年亦要工作:「要開始為新碟錄音,虎年最想虎虎生威、身體健康!」泳兒則透露封了大利是給媽媽過肥年:「今個新年因為皮膚敏感要休息,惟有留喺屋企做宅女,希望大家身體健康、笑口常開!」

音樂組