官恩娜（Ella）與佘詩曼昨日出任農曆新年賽馬日表演嘉賓，大唱賀年歌。貪靚的阿佘甫出場即脫下大褸，以Lanvin露肩連身裙捱冷獻唱及向觀眾派利是，事後她承認因太冷而改為「咪嘴」。問到有沒有到緋聞男友陳豪家中拜年，阿佘說：「呢方面唔想再講！（有指你哋幽會？）交由律師處理，唔會講太多！唔希望再提呢啲新聞，因為唔係事實！仲踩到我條底線！（有冇同陳豪傾過緋聞？）我話畀佢聽我點做，佢點做我唔知！（支持你？）佢冇表態！」她又表示與陳豪及廖碧兒見面亦不感尷尬：「我哋三個都係受害者，同埋我哋冇過節，唔好以為係真！」
至於身穿短袖連身裙的Ella，不時在台上周身郁取暖。她表示這是與外籍牙醫男友的首個情人節，卻因要到美國拍戲而分隔兩地，並表示已有兩周沒有見面。
此外，蔡加敏及老公馬鴻銘、郭秀雲與老公等均現身馬場。至於鄺美雲則透露把愛犬Cash留在家中，更笑言Cash每年均收到五位數字利是，但會將之悉數撥捐慈善。同場的楊超成則透露愛女楊永晴因忙於學業而未能返港過年，並透露母親健康不俗，現於醫院休養。