婷婷表示年初一偕男友安志杰到父親謝賢家中拜年，謝賢更播放她與霆鋒小時唱的譚詠麟及梅艷芳的歌曲片段，並下廚煮龍蝦宴客：「栢芝之後同埋Lucas嚟， Lucas着晒中國衫有條辮仔，好得意，佢仲係第一次叫我做姑姐，搞到我冧晒！」婷婷坦言想盡快派利是，但並非指早日結婚，而是指賺大錢，有能力派利是犒賞工作人員。

此外，婷婷表示收到男友親手製作的情人節禮物，但拒絕透露內容，問到她送甚麼禮物時，婷婷忍不住笑說：「係餐飯，出去食！（學識煮嘢？）媽咪都會教煮，但我驚畀媽咪鬧，佢教教吓冇心機就會鬧！」