17/02/2010

播放本新聞相關短片

軒仔尷尬:我兜得幾辛苦

本文重點
張敬軒前晚尾場騷獲好友關智斌高調撐場,至於容祖兒及何韻詩則做了「左右手」,兩對好友在萬人歡呼下,接受如雷掌聲!

張敬軒(軒仔)《軒動心弦演唱會》前晚完騷,繼情人節有王菀之做嘉賓後,軒仔好友Kenny在尾場騷高調捧場,當他與另一對好友祖兒與阿詩出現VIP位時,引起哄動!Kenny全晚顯得相當興奮,不停揮動「Pong Pong棒」,軒仔亦不避嫌主動踢爆Kenny捧場:「今晚祖兒嚟咗,隔籬咪阿詩……咦!呢個咪關智斌!」觀眾隨即尖叫!

吳浩康搞Gag贈興

其後,軒仔介紹嘉賓出場時,台下即有人大叫:「Kenny!」不過上台的是吳浩康(Deep),Deep亦恃熟賣熟玩軒仔:「你今晚唱得最好,因為祖兒嚟咗,仲有關智斌都喺度,更加唔衰得!如果莊思敏喺度,我都會勁啲,關智斌係好兄弟!」軒仔尷尬地說:「好朋友嚟……我兜得幾辛苦!」

臨完場時,軒仔高叫Kenny、祖兒、阿詩及蔣雅文上台唱歌及逗利是,逾萬觀眾掌聲雷動,掀起全晚高潮!軒仔還大方拉Kenny上台,兩人搭膊唱歌,甚有默契,軒仔感動地說:「多謝一直支持我、扶持我嘅好朋友,多謝你哋4個!」完騷後,軒仔接受訪問時,對於有指Kenny在場時特別開心,他說:「朋友捧場梗開心!」還指Deep只是搞Gag,為他化解緋聞。