名模周汶錡（Kathy）同法籍男友拍拖咁多年，感情依然咁好。雖然Kathy唔係成日將男友掛喺口邊，就連今年嘅情人節兼年初一都撇低男友，飛去法國同班朋友滑雪！之不過其實Kathy好錫男友，小小So有次見到佢親自揸車接男友，等候期間仲毫無怨言，一見男友仲露出甜笑，認真廿四孝！
小小So：你都算係個廿四孝女朋友喎！
Kathy：都係o架！其實唔單止對男友，就算對朋友都一樣咁好。
小小So：你都好照顧你啲朋友？
Kathy：係o架！我好識得照顧朋友，有時都會車埋啲朋友返屋企，朋友有事幫到都盡量幫，可能因為我係家姐，有家姐嘅性格，會比較鍾意照顧人，呢啲係家姐嘅本色！
小小So：咁你都對朋友好好喎！
Kathy：係o架！我個人好直，講咗咁就咁，應承咗朋友就一定會做，好似約我去邊，我去就去、唔去就唔去，唔會扭扭擰擰，又或者唔肯定，我話咗去就一定會到，所以我從來都唔會放飛機！