李珊珊：屬於晨曦明星足球隊的珊珊，盛讚尹佬對足球貢獻良多：「我上網知道呢個消息，真係好可惜，尹佬對足球貢獻好大，雖然我哋屬唔同球隊，但佢無分彼此，總之熱愛足球嘅都係朋友。」珊珊大讚尹佬是好前輩：「佢畀好多意見我哋，好照顧同幫忙後輩，雖然我同佢認識唔深，但都受過佢照顧。（米雪呢？）佢好好人，呢個時候唔方便打搞佢，希望透過你哋問候。」
晨曦會長周文亮：對好友去世表示傷感，希望尹佬一路好走：「佢同我哋幾兄弟係朋友，亦係我哋偶像，早年佢都係晨曦B隊嘅成員，大家以波會友，亦會一齊返內地參與慈善活動，佢係最投入同最熱心嘅一個。佢冇架子，不論對方係老闆定係清潔阿嬸，認識或者素未謀面嘅，佢都會好尊重對方，以禮待人。」
余錦基：曾經是香港隊領隊，與尹佬相識多年：「嗰時佢係香港隊球員，我係領導，佢冇踢波之後我哋仲熟，因為大家都係明星足球隊，作為球員佢每場波都好落力去踢，係球員嘅典範，做人又好隨和，好抵得諗，人緣好好，有乜叫佢做永無托手月爭。佢病咗好耐，知道佢後期已經講唔到嘢，好唔開心，佢個人咁好，好可惜，喪禮一定會出席。」