愛的宣言
尹佬對米雪一往情深,不下一次公開愛的宣言:「我可以發誓我對米雪一條心,自從識咗佢之後,心裏面就只有佢一個女人!世界最好嘅女人已經畀我搵到,我絕唔會變心!男人賺錢畀心愛嘅女人係天經地義!」
成日求婚
尹佬多年來一有機會即向女友求婚,例如在泰國拜會白龍王期間及在余錦遠的婚宴上,米雪曾笑說:「每次遇上喜慶場合,佢都話『不如結婚啦!』」
獨霸女友
尹佬為人慷慨,唯獨是女友米雪不能與人分享,米雪在訪問中曾說:「有次我同佢講話姨甥仔生日,佢就話買遊戲機畀佢,起初以為佢講完就算,原來佢真係記得買!仲要一買就買咗三部送畀我三個姨甥。有次我試過問佢:『如果朋友鍾意你女友,你又要送畀佢哋?』佢即刻認真話唔會!」
分享殊榮
08年,米雪憑《溏心風暴之家好月圓》勇奪無綫視后,在台上公開多謝男友尹佬,更甜笑指是時候接受對方求婚。頒獎禮完畢後,她更第一時間飛車到尹佬所住醫院與最愛分享喜悅。