28/01/2010

播放本新聞相關短片

栢芝霆鋒勤洗手拒打豬流針

懷孕五個多月的張栢芝,眼見近日有孕婦疑接種豬流感疫苗後流產,即高度戒備護胎,她寧願狂啪維他命丸,以及勒令老公謝霆鋒返家後立即沖涼及勤洗手,亦誓不打針!

張栢芝與謝霆鋒經歷風雨,終於由相愛到結婚生仔,栢芝表示要為謝家開枝散葉,身體纖瘦的她因此努力催谷,07年誕下Lucas後火速努力造人,去年底宣布再懷「小霆鋒」,今次栢芝特別小心,因豬流感肆虐全球,最近有孕婦疑因接種豬流感疫苗後流產,惹起全城孕婦恐慌,令栢芝亦高度戒備,她昨日接受電話訪問時說:「我唔敢打針,會食維他命丸同早睡早起,好好保養自己同BB,霆鋒同我都會勤洗手,霆鋒喺出面拍戲接觸好多嘢,佢返屋企我要佢首先沖涼,Lucas仲細,我又有BB,衞生好重要!」

懷孕初期激玩跳彈床

與栢芝分屬好友的Rick Chin昨日出席化妝品牌活動,他透露前晚與栢芝一起食飯,對於早前有孕婦打流感針後流產,Rick表示栢芝亦不敢打針,外出亦會戴上口罩,萬事小心。問到懷孕五個月的栢芝身體如何?Rick說:「好好!呢一胎個肚特別大!(食好多補品?)補品就多謝佢老爺(謝賢)同奶奶(狄波拉),又翅又雞湯,加上依家囝囝Lucas大個,休息多咗。(佢知唔知做哥哥?)唔知佢知唔知,不過佢有摸住栢芝個肚講『I Love You!』」

最近Rick轉做護膚品生意,邀請栢芝「出山」拍沐浴露廣告,當時已懷孕的她未知有喜,更大膽跳彈床,事後Rick坦言一額汗!他說:「拍嗰陣佢仲好Slim,估緊有同冇之間,計緊日期,依家諗番都一額汗,萬一有咩事要負責任!(酬勞?)佢冇收錢,只係要求我搞個慈善活動,為乳癌中心籌款,個活動下星期一舉行,佢本來想嚟,我叫佢唔好,驚會混亂,今次請咗12個藝人幫手,有陳小春、Angelababy同林心如等。」

第一手消息請瀏覽on.cc《即時新聞》

專案組