電眼小生

有「瞇瞇眼壞孩子」之稱的阮經天，憑傻氣及弗爆身形，以及熱爆台劇《敗犬女王》及《命中注定我愛你》而火速上位。向來玩得的他，更與好友趙又廷當場咀嘴谷新片，笑爆全場！

Profile

年　齡：27歲

身　高：184cm

代表作：電影《艋舺》（未上映）、《愛到底》、偶像劇《敗犬女王》及《命中注定我愛你》等

緋　聞：台灣女星張德霖、Joanna、女友許瑋甯

星級粉絲

蔡卓妍（阿Sa）：「我睇過小天嘅《敗犬女王》同《命中注定我愛你》，真係幾好睇，角色又討好，係陽光型！」

羽　翹：「我喺活動見過佢真人，好高大靚仔，傻氣得嚟又Man！完全中晒我嘅擇偶條件，而且佢眼細細，畀佢電暈！」

爆肌猛男

模特兒出身的高以翔因台劇《桃花小妹》及與蔡依林傳緋聞而為港人熟悉，去年底更推出寫真集《戀愛0.01的距離》，大晒赤膊出浴照及床照，盡騷胸肌、腹肌及起(月展)手瓜冧港女﹗

Profile

年　齡：25歲

身　高：195cm

代表作：偶像劇《鬥牛，要不要》、《桃花小妹》、電影《女人不壞》等，寫真集《戀愛0.01的距離》

緋　聞：蔡依林、黃立行前緋聞女友蔡詩蕓等

影壇新貴

身高182cm的彭于晏五官標致，儼如漫畫中的俊美男子，亦曾拍攝多套台灣偶像劇，去年更憑電影《聽說》贏盡口碑，演技備受肯定。

星級粉絲

江若琳：「我睇過佢套《聽說》嘅電影Poster，佢五官標致兼好可愛，又好溫柔！不過我唔接受異地戀，驚好難維持！」

吳雨霏：「彭于晏幾Sunshine（陽光型），之前睇過佢啲台劇，感覺幾健康，我鍾意呢類型！而且佢哋有時講廣東話講到歪歪哋，真係幾得意！」

幽默主持

身高189cm的陳建州（黑人），曾是中華台北籃球隊成員，現為台灣綜藝節目主持人，與女友范瑋琪更是圈中公認的一對。

星級粉絲

鍾舒漫：「我有睇黑人主持嘅節目，好有親切感！佢都幾靚仔呀，又運動型，黑黑實實，而且又係基督徒！」

泳　兒：「佢好有幽默感，又識搞氣氛！佢高瘦得嚟又有肌肉，加啲傻氣，好Cute！」