啤梨入行10年，成功成為一個電台的代表，去年底他更獲選為「全港年青人最受歡迎電台DJ」首位，他說：「呢個係好大鼓勵，真係冇諗過，不嬲自己都冇咩獎項，依家喺DJ方面得到呢個獎，令我更有信心，其實初入行嘅時候，我係唔聽收音機嘅！」他坦言做DJ並不是他的理想，曾學跳舞的他最喜歡的還是舞台表演：「當時我負責報交通消息，報咗兩年都係咁，覺得好冇意思唔想做。」

跟年輕人分享經歷

幸好，後來電台安排他與陳小芝齊齊做下午時段節目，當時下午時段是電台的黃金時段，不過好景不常，後來啤梨被安排主持深宵時段節目：「嗰次係我第一次辭職，知道公司有呢個安排，凌晨2至6喎！心諗『你估我係老人家咩？』不過高層叫我試，初初係好唔願意做，於是特登搞個《卡拉O ! Babe》，播Rap歌、Rock歌想人投訴我，咁我咪可以話自己唔適合囉！」回想從前，啤梨不禁笑自己太傻，原意為打擊收聽率的構思，竟成為他成功的踏腳石：「有家長打嚟要求我個節目調早啲，於是我就轉做夜晚11點，隔籬台嗰陣做緊《嘩嘩嘩打到嚟》o架！所以我依家都成日同啲年輕人講呢個經歷，好多時唔好放棄，努力啲做，成件事就會唔同晒！」