鄺敏慧（中巴）新歡Sam Sha，前晚「撇低」中巴，打孖上與Jacso旗下模特兒「嫩版JJ」Bambi（梁筠兒）及「翻版大S」Liz（李莉琳）到天后約會，更與另一男模Howard同行。

Sam與Bambi特別投契，不時咬耳仔，在便利店打書釘期間，Bambi被門外大狗嚇親，Sam即時保護她，甚有風度。其後一行四人到附近糖水店，卻只點了一個棉花冰，十分慳家，四人你一啖我一啖，極速吃完才再點另一款食品，最後由Sam埋單。

中巴與Sam日前被本報拍得夜遊旺角，當時Sam撇低中巴速閃。資料圖片

Bambi（左）被大狗嚇親，Sam即出手保護她。

怕被誤會博宣傳

四人離開糖水店時發現記者，Sam今次卻企定定任影，更開腔談中巴，他坦言早前「撇低」中巴，怕被指欠風度：「都驚！上次走係冇面對過傳媒，怕人話我借中巴宣傳，怕影響佢。」他透露與中巴相識半年，問到可有追求之意，他卻冷笑說：「冇呀！」他表示經常相約模界朋友小敍，但不想再談中巴。

問到中巴有否向他呻被打，他說：「做朋友冇講呢啲。（崔建邦為人如何？）人哋嘢唔知，唔方便評論，但自己唔會打女人，女人係用嚟錫。」