本文重點
Angelababy被指搭上日本經理人，緋聞男友陳偉霆（William）昨日為她澄清有關報道，透露他們仍保持聯絡，不過只是朋友，並否認曾有性關係！
陳偉霆（William）、歐陽靖（MC Jin）及林盛斌（Bob）昨日錄影主持的J2台節目《兄弟幫》，邀請張致恒（Steven）及姜文杰擔任嘉賓，大談「處男」話題，William表示相信Steven近兩年信主後，已「紮起」沒有性行為，但自言不會刻意「紮住」，會順其自然，他說：「佢信基督教要紮，我唔使，不過我呢排都紮緊！（紮咗幾耐？）好長時間。（有冇試過一腳踏兩船？）自己唔容許。（如果對方一腳踏兩船？）會好傷心，盡量挽救。（如果對方未揀定？）咁放棄。」
爆借緋聞耍花槍
提到有指緋聞女友Angelababy情傾日本經理人avex老闆兼濱崎步舊男友松浦勝人，問到Baby是否一腳踏兩船？William即護「女」心切，急急替Baby澄清，他說：「佢同日本經理人嘅新聞係假。（你點知？）佢主動同我講。（佢用呢啲報道激你？）係……唔知！佢絕對唔會用呢啲嚟激我！（你哋依家咩關係？）朋友！（以前呢？）都係朋友關係。（有冇性關係？）冇！」
另外，被傳因聚少離多而與William屢傳「分」訊的Baby，雖然已否認情傾松浦，惟近日再指她與William轉玩地下情。日前約晚上十時，Baby在灣仔會展出席活動後，正準備與助手離開會場之際，即被約十名「龍友」包圍，期間有Fans上前索合照，她雖有求必應，但只是強顏歡笑。當Baby接過Fans送的小禮物後，隨即與助手登上保母車離開。
