無綫最近正處於多事之秋，除了與「四大」關係未緩和外，連未受版稅風波牽連的Amusic亦加入戰團與無綫抗衡！上周六（23/1）Amusic歌手黎明、楊千嬅、衞蘭（Janice）及李治廷出席不同活動，當中黎明與千嬅接受有線及無綫單獨訪問，惟Janice與李治廷出席新城活動時，婉拒兩間電視台訪問。當日無綫主播要求訪問時卻被Amusic宣傳人員婉拒，當主播查問時，宣傳人員說：「公司遲啲公布！」而二人大部分時間均留在休息間避開接觸。

Amusic宣傳人員（右）為Janice及李治廷婉拒TVB主播（右二）訪問。	見有記者埋身，Amusic宣傳人員（右二及三）為李治廷（右）擋駕。	李治廷與Janice出席新城活動時，只接受大圍文字採訪。

王凱文：佢哋講嘢唔叻

Amusic行政總裁王凱文昨日說：「四大同TVB引起好多爭拗，依家敏感時期，為保障旗下冇咁高資歷嘅人，加上佢哋講嘢唔係咁叻，23號開始短期內唔接受電視台單獨訪問，呢個限制唔適用於黎明、千嬅同Janice Man，因為黎明資歷深，千嬅經理人約係另一間公司，而Janice Man係模特兒唔係歌手，唔會涉及敏感問題！（TVB同有線反應點？）冇問題，Janice今個星期會亮相無綫節目。」

黎明與千嬅年資較長識執生，故日後仍會繼續接受電視台單獨訪問。 資料圖片

屬模特兒的JM，未有被公司禁止受訪。 資料圖片

密切留意情況

據知Amusic此舉惹起無綫不滿，有傳「拒訪真相」是Amusic為Janice及李治廷力爭《勁歌》總選的「金曲金獎」及新人金獎，但無綫不妥協，其後二人缺席《勁歌》頒獎禮，故有傳今次Amusic借題發揮拒受訪！對此無綫製作部節目發展分部經理彭濟材說：「同事向我匯報，有向唱片公司了解，唱片公司話藝人唔識講嘢，唔方便獨立受訪！TVB會密切留意情況，了解呢個係咪『真正理由』！（同與獎項有關？）唔知道，頒獎禮係綜藝節目組負責，我唔清楚，TVB高層會再了解。」

而備受關注的「傳媒大獎」會否頒發今日便有分曉，據知港台會照頒該獎，因若不頒發則必須於事前通知其他三台，但三台表示未收到任何通知。