09/01/2010

播放本新聞相關短片

關詠荷撐鎮宇老婆非煩友

常與吳鎮宇夫婦飯敍的關詠荷(Esther),昨日與郭晉安及郭政鴻為新劇《五味人生》宣傳,她力撐吳妻並非麻煩人:「問候鎮宇呢啲嘢老公(張家輝)會搞,但事發後就冇再見。(覺得鎮宇火爆?)呢件事鬧到上法庭,兩邊都係輸家,係無妄之災。」至於張達明昨日在另一場合提到吳鎮宇涉嫌傷人一事,他慨嘆說:「我嗰日睇完《阿凡達》就見到兩個男人嘈交,仲打起上嚟!我覺得社會壓力真係好大!總之學成龍話齋,保持四秒距離就冇事!(用嚟勸喻鎮宇?)冇喎!」

另外,有指無綫刻薄拍攝邵氏電影《72家租客》的藝人,酬勞只有十分一,當中鴻仔被指兩萬酬勞實收二千,但他昨日否認其事:「我唔止收二千!我客串好少戲,畀封利是好正常,冇聽到其他演員投訴話刻薄。」