混血名模Lisa S.早前宣布減少行時裝騷,小小So都好戥佢高興,一來她識得見好就收,喺高峰期放慢腳步,二來佢同男友吳彥祖(Daniel)感情穩定,先可以放下工作,由男友照顧,剛過去嘅平安夜同聖誕節,Lisa就孖住Daniel日見夜見。
Lisa:平安夜我哋去咗蘭桂坊Racks慶祝,聖誕節就不停玩同不停食。
小小So:有冇交換禮物?
Lisa:我喺網上買咗一幅1950年出品嘅古董畫送畀佢,佢就送咗一隻戒指畀我。
小小So:求婚戒指?
Lisa:戒指用金做,上面鑲咗黑鑽石,但唔係求婚戒指,我哋又唔係結婚,唔需要求婚戒指,我哋一齊七年,關係同結咗婚冇分別。
小小So:你哋會唔會突然宣布結婚?
Lisa:有呢個可能,有日可能瞓醒就去註冊結婚都未定,結婚嘅話我一定會着婚紗,要款式簡單,高貴同埋價錢平,同埋希望能夠四十歲前生仔。
小小So:你距離四十歲仲有幾多年?
Lisa: (邊笑邊講)仲有五十年呀!