09/01/2010

播放本新聞相關短片

發哥叫紅姑出山做阿四

周潤發難忘當年《秋天的童話》拍檔鍾楚紅,揚言想再合作,不惜拉對方做阿四煮餸煲湯。

周潤發及杜琪峯昨日出席《鮮浪潮2010--本地競賽部分》記者會,二人難得聚首,在台上妙語如珠,發起人阿杜表示多得發哥五年來支持該項目,否則政府便看不到成績,發哥聞言即笑他擦鞋,其後阿杜寄語電影工作者即使作品拍得多爛,也千萬不要抄,更不要常以學校及男女之間的故事作題材,發哥聽後又出招:「依家電影、音樂都係咁,邊啲收得就拍!」阿杜惟有扯白旗投降:「都啱嘅!但某程度上要技術多啲,我都拍商業片,但都要堅持自己創作意念囉!」

阿杜笑對老友談情

談到合作大計,發哥笑言雖然與太太計劃今年休息充電,但一切視乎阿杜的劇本進度,他表示想拍輕鬆談情片,而女主角人選,發哥說:「我鍾意休息緊嘅鍾楚紅,不過佢唔拍得,搵佢做阿四囉!煮餸煲湯好叻嘛!」新一代演員中,發哥睇好無綫小花陳法拉:「都冇咩邊個啦!由電視轉電影。(模呢?周秀娜都拍戲!)拍部《電影雙『周』》?搵啱劇本都得,仲有吸毒嗰個都係姓周(周凱盈),咁咪要《電影三『周』》!」此外,拍畢新作《孔子》的他表示已聽過王菲灌錄的主題曲,更大讚動聽。

阿杜則表示尚在籌備與發哥合作的劇本,期望今年開拍,對於發哥欲拍談情片,阿杜笑說:「談情?咁大年紀……嘩!都得嘅,周生拍咁多壓力好重嘅戲,所以希望輕鬆啲,但就要嗰套完咗先諗有咩再啱佢。(發哥收友情價?)未去到諗呢個問題嘅地步。」

文:影視組 攝:鄭家俊