徐濠縈昨日與黃偉文及任達華等出席SK-II三十周年午宴,她承認囡囡康堤成功考進名校拔萃女小學,但想保持低調:「我唔鍾意狗仔隊成日喺學校等,對小朋友唔係咁好。」問到會否多追一個,她表示要先等囡囡入讀小學:「完成第一個階段,咁可以再考慮!」對於陳奕迅在樂壇頒獎禮摘金,她平淡地說:「心情都係咁啦!我諗佢都攞到麻木。(囡囡讀名校更開心?)係我嘅人生大事!」黃偉文則穿上好友何超儀送的古董冷衫到場:「呢件冷衫喺84年出嘅,佢喺洛杉磯搵到,送畀我做生日禮物,我開心到攬住佢尖叫!」
至於任達華前日偕台灣女星楊謹華為台灣101的歐米茄店擔任開幕嘉賓,並穿上工作袍化身鐘錶師,用放大鏡欣賞腕錶。