何鴻燊千金何超雲前晚身穿Christian Dior Fur出席《香港皮草設計比賽》，問到有否見過妹妹超蓮的新男友Jeremy，她無意間踢爆妹妹已帶男友見家長：「佢去過我哋屋企食飯。（媽咪有咩意見？）佢都係當朋友食飯。（你會唔會帶男友返屋企畀媽咪過目？）我冇男友，如果有就睇吓點！（奄尖？）唔係，我只係唔想拍拖。（有冇教妹妹性教育？）唔使我教！（媽咪教？）好細個就教啦！」問到揀男友是否要高大靚仔，她直認不諱：「係呀！（怕唔怕畀妹妹笑你Dry？）唔會！（係咪沙漠？）唔會，我有都唔會帶出嚟啫！」

周倩圯悉心打扮到場，明艷照人。	夏文汐靜極思動，有意復出拍戲。	超蓮最近與新歡有影皆雙，更被踢爆已見家長。 資料圖片

同場久休復出的夏文汐透露有機會再拍戲：「早幾日有導演同我傾，演員都大卡士，套戲喺上海拍，我好似飾演上海婆，但我唔識上海話，會差啲！」她表示復出只是「玩吓」，並說：「我老公好支持，況且啲細路都大晒！」問到會否拍大膽戲，她笑言會考慮：「我冇以前咁易拍戲，以前係我揀人，依家就人揀我。」

夏文汐擬打Botox

另外，她表示有意從事美容生意，問到會否打Botox，她說：「唔反對，可能遲啲會試！」出席活動的還有周倩圯、鄧達智與何國鉦等。