去年已為復出作好準備的阿嬌，今年將歌影視三棲發展，除了推出EP及返內地拍劇密密吸金外，更重踏影棚，接拍由杜汶澤監製的英皇電影《前度》，為了這部久休的復出作，阿嬌不惜將螢幕初吻獻給陳偉霆（William），將「第一次」全面奉獻！

新Look獲楊受成激讚

阿嬌昨日連同一眾《前》片演員，包括William、詩雅及周俊偉等出席開鏡拜神，只見戴上假髮及穿上雪紡外套的阿嬌煥然一新，令前來打氣的英皇老闆楊受成亦不禁行近她身旁寒暄，並大讚她：「你靚到暈呀！」阿嬌聞言即心花怒放地說：「哈哈！因為我之前讚佢靚仔到暈嘛！」

阿嬌在《前》片中會與飾演前度男友的William激咀，但她對此大感尷尬，更即時「拋波」給詩雅：「唔只我，詩雅仲激！」談到與William激咀會否覺得很着數？阿嬌即自爆除了咀嘴外，更會與William「床戰」：「其實佢仲着數啦！艷福無邊！不過床戲都有少少嘅！」問到與William咀嘴的感覺如何？她說：「已經拍咗喇！但係因為要就鏡頭，所以拍咗幾次，今次係我第一次拍咀戲，以前嗰啲都係就位，今次係我嘅螢幕初吻！其實佢（William）都幾好錫，但係拍嗰時都忍唔住笑！第一次拍完後導演嗌Cut，我即刻忍唔住推開佢，第2次反而係佢閃開，怕畀我再推開！」

杜汶澤與老闆楊受成（左）密斟，莫非想落嘴頭再開新片？

詩雅（左起）、阿嬌及陳偉霆在《前》片中譜三角戀，未知盛傳失戀的陳偉霆會揀邊個？

工作忙碌瘦10磅

此外，阿嬌透露因劇本還在修改中，故床戲仍未拍攝：「呢套戲總之好睇，一啲都唔色情！」問到會否害怕《前》片不能在內地上映？她說：「其實都冇預到，淨係會喺香港上，套戲好有藝術性！」為了是次演出，現場所見的阿嬌更見清秀，她還透露因工作忙碌而瘦了十磅：「因為要出碟、宣傳、拍戲同學跳舞，所以瘦咗，希望可以Carry到啲衫。又因為節食，我試過一日瘦一Kg，稍後我會返內地拍劇幾個月！」至於監製杜汶澤則大讚片中各演員表現出色，並透露阿嬌在拍攝時已得悉會有床戲，他更親自說服對方作大膽演出！