周倩圯去年不幸大病一場，被迫停工「半退休」，幸而她目前已逐漸康復，誓要今年再戰江湖。
周倩圯（Samantha）由去年初到年底都「藥煲」上身，幾乎每個月也睇醫生：「舊年年頭開始腸胃炎，一直都未好過，成日又屙又嘔，肚痛到出唔到街，有次痛到入院留醫三日，真係好辛苦！」
幸而Samantha已逐漸康復，目前服中藥調理身體，誓要今年再戰模界，她說：「我好享受呢份工，鍾意扮靚化妝，又對時裝有興趣，希望身體康復後接番多啲Job！（之前損失幾多？）都冇咗六位數字！搵少啲唔緊要，最緊要係身體健康。」不少人曾指模特兒生涯短暫，入行十年的Samantha表示永不言休，希望同時作多方面發展：「我計劃喺台灣開時裝店，喺嗰邊都有相熟朋友，到時要港、台兩邊走。」
腳細行騷易甩鞋
講到入行辛酸史，Samantha慶幸有上天眷顧，沒有太多不如意事，她說：「我個人比較簡單，又容易滿足，所以每次工作我都會好Enjoy，反而因為對腳嘅Size太細，只得37號，但Model平均都有38號至40號，所以行騷一定會甩鞋！初入行唔識就好驚，後來發覺用牛皮膠紙就解決到！」
Profile
周倩圯（Samantha）
身 高：174cm
三 圍：33B、24、34
入行經過：多年前一次玩票性質的演出而加入模界，成為全職模特兒。曾參與不少大型時裝騷及泳衣騷，緋聞男友是時裝設計師Ricky Kwok（郭慶彬）。