踏入2010年，娛樂圈首度傳出喜訊，主角是現年30歲的Rosanne下嫁混血牙醫男友Derek，昨日其妹Race（黃婉佩）出席家姐婚禮返港，Race透露Rosanne已於上年12月29日嫁作人妻：「家姐個婚禮好感動，又有好多驚喜，我哋全家見到佢結婚都開心到喊，佢都喊咗幾次！」

鑽戒閃爆全場

Race事後接受本報記者電話訪問，她透露Rosanne身穿一襲很漂亮的婚紗步入教堂：「佢件婚紗好長好重，至少有十公斤重，但真係好靚！」她指姐夫將儲了兩年的錢購買了一枚鑽石婚戒給Rosanne，讓太太成為全場閃爆的新娘子。浪漫細心的姐夫更上台高唱情歌冧太太，令Rosanne多次感動落淚！問到父母送了甚麼禮物給家姐？Race說：「嗲哋媽咪送咗一套鑽石耳環、手鏈同頸鏈畀家姐，我同細妹諗住等家姐搬屋時送傢俬！」

Rosanne和丈夫婚後已即時飛到外地度蜜月，問到會否馬上進行造人大計？Race笑說：「佢哋兩個都好鍾意小朋友，希望真係可以生個老虎仔或老虎女啦！」而飛到新加坡出席婚禮的圈中藝人只有許懷欣。