早前Swift與《吸血新世紀》的大隻仔Lautner因拍愛情片《Valentine's Day》而日久生情，隨即多次約會斷正，男方曾被拍得兩度捧女友演唱會場，又曾與女方母親見面，更分別在主持搞笑節目《周末直播》時，不避嫌互叫對方做Honey，被外界認定是非常登對的小情侶，可惜日前傳媒報道二人已分手！

據雜誌《People》報道，二人對戀情並不認真，知情人士指：「一開始都唔係好認真，只係傳媒寫出嚟，事實上二人發展冇報道所寫咁神速，佢哋只係約會過幾次，發覺冇乜發展。」同時，有指由於Lautner家住洛杉磯，Swift則住納什維爾，長期分隔兩省加上工作各有各忙，導致分手收場。Lautner本月中飛往Swift家，驚喜現身女友二十歲生日派對後，二人便決定做回朋友，結束僅僅三個月的情侶關係。

男愛女更多

另外，有報道指由於Lautner愛女方較多，經常搭飛機會女友，爭取時間見面，但Swift卻未有這樣做，故未能作進一步發展。此外，有小報指二人分手原因是飲食上鬧分歧，注重飲食的Lautner難與愛食Pizza甜品的Swift約會食飯。另外，Lautner將於下周出席《People's Choice》頒獎禮，料成傳媒焦點，而成龍亦是出席嘉賓之一。