圈中有模範夫婦之稱的苗僑偉（三哥）、戚美珍（三嫂），以前經常一齊演戲，見慣見熟，但最近三哥跟黃日華合演《刑警》，三嫂探班時看到二人演戲，突然十分感觸。
小小So：你成日探班？
戚美珍：我接三哥收工，都會睇到佢同黃日華啲對手戲，以前我睇佢哋兩個演對手，都唔覺有咩，但十幾年後嘅今日，我睇呢兩個男人再走埋一齊合作，好有感觸……
小小So：咩感觸？大家都成熟咗？
戚美珍：人大咗，演戲個感覺真係唔同，我覺得呢兩個男人真係成熟咗好多，佢哋演繹嗰種深沉感覺，令我好有Feel！
小小So：係咪好吸引呢？
戚美珍：的確係，好Man囉！華仔可能覺得拍番劇好辛苦，其實如果演到好戲，捱吓都抵，我拍《富貴門》都辛苦o架！但套劇喺內地好受歡迎，我上網睇番啲觀眾嘅反應，佢哋講嘅嘢，好有深度，唔係只係批評嘅意見，所以如果有啱劇本，我唔介意再拍o架！