容祖兒

容祖兒日前少有地穿上平底鞋出席活動，她笑言新造型令自己吸引力大增，異性緣「嘭嘭聲標出嚟」！

解讀：着平底鞋對雙腳健康好啲，加上可以「嘭嘭聲」增添異性緣，要祖兒着多幾對平底鞋又點話！

張敬軒 王菀之

張敬軒與王菀之這對緋聞情侶經常在人前耍花槍，早前王菀之表示嬲軒仔亂噏，軒仔為氹「女友」刻意將讚美說話胸襟廣闊講成「胸部」廣闊，令王菀之笑晒。

解讀：講兩句就「升胸」成功，就算唔係真，王菀之亦對軒仔呢個Gag非常受落，難怪兩人咁啱Key！

鄧麗欣做校對獻醜

鄧麗欣再出新書，為免又因錯字太多惹笑柄，她表示今次的甜品書做足校對：「睇咗幾百次。」

解讀：睇嚟鄧麗欣真係好驚再出醜，但如果係佢睇幾百次又有咩用，不如認真搵個識字嘅專業校對啦！

胡杏兒自爆飛窩釘

胡杏兒被指在音樂會上「飛釘」，她急忙澄清只是打底衫上的窩釘，自己只是「飛窩釘」而已。

解讀：打底衫，點解要揀件有窩釘呢？若果杏兒專登要製造話題就另作別論。

高海寧硬銷天然胸

身材豐滿的高海寧近日密密騷胸示人，被指跟「警鐘胸」Jessica C.搶工作的她談到自己的賣點時，即笑說：「天然胸啦！」

解讀：香港人事事追求「無添加」，想不到高海寧亦識「食住個勢」，推薦自己嘅「天然胸」！

徐靜蕾發福好手感

內地女星徐靜蕾明顯發福，惹來懷孕之說，她亦直認肥了，更說：「男友說我愈胖愈好，因為手感好！」

解讀：有愛情滋潤，連「手感好」呢啲惹人遐想嘅說話都講出口。