容祖兒、謝霆鋒、古巨基、Twins、張家輝、陳偉霆（William）及張致恒（Steven）等早前在老闆楊受成的大宅拍攝《英皇娛樂十週年 群星慶虎年日曆》，眾星工作繁忙，英皇費盡心思才能齊集眾人，難得與好友聚首一堂，祖兒興奮莫名：「埋位前，我哋大玩特玩，可惜我要趕飛機，拍完自己部分就要走！」而鍾欣桐及蔡卓妍則孖住上，齊齊登上6月之星！

祖兒、古巨基及謝霆鋒抽空影日曆。	放大圖片	放大圖片

William篤背脊

眾星趁空檔聚集在娛樂房，齊齊玩桌球及啤牌，Steven誤坐玻璃枱，搞到玻璃應聲裂開，正當工人收拾殘局之際，老闆突然殺到，Steven來不及自首，已被William篤背脊，幸老闆未有責怪Steven，反而搞笑地對William說：「咁你賠囉！」事後Steven說：「大家起哄完就靜晒，加上老闆喺嗰刻入嚟，個心成個彈咗出嚟！」William則說：「老闆叫我賠嗰下，我呆咗，不過佢講笑咋！」

日曆以懷舊鐵板掛曆形式製作，配上節氣及吉日等註解，為大眾作溫馨提示，與大家共度虎年。由於日曆全球限量1,000套，據知內部認購相當熱烈，為照顧樂迷需要，英皇抽出100套，於明年2月舉行的《群星賀虎年大碟》的簽名會上發售。