由電台主辦的《晨光第一線2009風雲人物大選》昨日邀請鄧麗欣（Stephy）、王菀之、鍾蕙芝（Lavina）及胡心諾（Rainbow）宣布結果，娛樂圈有幾位藝人獲選，其中o靚模成為「風雲團體」第一位、而黎耀祥則成為「風雲男士」第三位、成龍的崖上的波兒－霸王版則成為「風雲片段」第一位、至於酒井法子及衞詩則成為「我最想重新接納的人」的第二、三位。

曾患豬流感的Stephy透露，稍後會注射預防針。

擔任頒獎嘉賓的王菀之（左），在台上分享心得。

Stephy負責宣布「風雲團體」結果，當司儀問到其心水時，她表示選豬流感（H1N1甲型流感），結果早前熱爆全城的o靚模當選，Lavina及Rainbow代表o靚模領獎，事後Stephy說：「我揀豬流感，因為自己都係其中一個患者，希望2010年快啲送走呢個病菌，之前以為自己患過病有抗體，但醫生話唔嚴重嘅病例會再中招，所以我遲啲都會打預防針。」有指她與宿敵傅穎的是非也算是風雲事件，Stephy尷尬地說：「相比呢啲，我哋係小事，其他係大事。」

Rainbow出碟闖樂壇

而Lavina繼續穿低胸裝示人，問到會否擔心o靚模於2010年被Out，她說：「冇乜所謂，我哋唔係新人，依家我哋有唔同發展，會拍戲、唱歌同做司儀。」問到拍戲或做司儀時會否封胸，Lavina說：「我唔會蒙住面出來，會騷番自己嘅優點。」而Rainbow則表示會出碟做歌手，唱Live時更不怕走音。問到明年o靚模的走勢時，Rainbow說：「過咗夏天熱潮會減退好多，可以留低嘅屈指可數，新一年會淡啲，但新人會不斷增加，希望不斷進步。」