由鄭裕玲主持的新節目《逐格鬥》前晚錄影，張繼聰與森美擔任隊長對壘。太太謝安琪（Kay）的唱片公司同事日前不禮貌對待無綫記者，張繼聰強調與太太無關：「誤會啫！老婆冇呻過亦冇唔開心，我負責照顧佢心情，證明照顧得幾好。」對於有傳他接替崔建邦任《勁歌》頒獎禮司儀，張繼聰坦言未接到通知：「暫時只知要做《超級巨聲》，但近排真係多咗幕前工作。（係咪崔建邦事件嘅得益者？）唔係！我同佢係好友，我SMS過畀佢，佢叫我唔使擔心。我哋唔係競爭者，要畀心機做好啲。」