資深動作電影人袁和平，近年醉心出任中西猛片動作指導，相隔12年後再次執導拍攝《蘇乞兒》，並為梁朝偉打造《一代宗師》，與甄子丹「一較高下」。袁和平大讚偉仔應付綽綽有餘：「佢動作得o架！係佢唔信自己之嘛！（會唔會度啲動作勁過甄子丹？）甄子丹有幾勁我會唔知？我一手帶佢出嚟，佢都好好，動作演員咁少，輪都輪到佢上位，遲啲我哋有機會再合作。」
培育不少動作演員的袁和平，坦言看好周杰倫，更於《蘇》片讓其戲份一再添加：「周杰倫悟性高，好勤力，未來可以做到動作巨星，喺戲入面佢一人分演兩個角色，場場都有驚喜，一個人舞七、八種兵器全部都掂。」
