有翻版劉心悠之稱、亦係熊黛林同Angelababy師妹嘅模特兒楊汀叮（原名楊蕾），今年聖誕特登約定一班老友開P慶祝，佢都有叫小小So去。同朋友熱熱鬧鬧咁過節當然開心，不過佢同我講佢最希望係過白色聖誕，可惜今年趕唔切籌備，惟有等出年。
小小So：今年聖誕收咗咩禮物？
楊汀叮：想有人請我食聖誕大餐，食住美食感受節日氣氛。
小小So：兩個人撐枱腳？
楊汀叮：唔使！同朋友都好開心。
小小So：食聖誕大餐就滿足？
楊汀叮：其實我想過白色聖誕，不過今年趕唔切喇！惟有下次先。今年同朋友開Party，交換聖誕禮物都好好玩。
小小So：試過白色聖誕未？
楊汀叮：之前喺加拿大試過一次。
小小So：同男朋友一齊去滑雪嗰次？
楊汀叮：咪就係囉！嗰次滑雪跌親，搞到我對腳瘀晒，瘀足三個月先散，啲朋友見到以為我畀人虐打！
小小So：冇陰影咩？
楊汀叮：唔會因為咁破壞我對白色聖誕嘅感覺，起碼下次再過白色聖誕，一定唔會又搞到好似畀人虐打咁慘！