大粒癦的成年版，原來是現年33歲的小肥！他於澳門出生，小時候剪了齊陰頭，樣子可愛，不過下巴的「大粒癦」卻有礙觀瞻，他說：「粒癦真係好礙眼，仲要生鬚，好得人驚，屋企人又唔反對我脫癦，所以喺04年就的起心肝走咗去脫！」

小肥兒時曾經歷一段自閉日子：「我細個脾氣幾大，成日都向阿媽亂發脾氣，試過激到阿媽要困我喺房唔畀我出街，不過到大少少，反而變得自閉，仲要阿媽叫我出街！」直至愛上唱歌，小肥的自閉性格才有了180度的轉變：「中學開始鍾意唱歌，因為有咗興趣又識多咗朋友，所以變得開朗咗！」

酒廊搵銀 驟變大肥

小肥於02年與兩位朋友組成「C-PLUS」組合，更四出到酒廊演出賺錢，但當時的小肥卻變成200磅的「癡肥」，他笑說：「青春期嘛！係咁食嘢，最開心係表演完同兩個隊友去消夜，嗰段日子真係好開心！」

小肥細細個已經很懂擺甫士拍照。

「大粒癦」小肥兒時自閉少說話，小白兔乃唯一傾訴對象。

生死之交

小肥兒時很少結交朋友，平日只留在家中或到母親開設的童裝店，故形成少許自閉性格，但愛心爆棚的他，在10歲那年便飼養了一隻小白兔，牠從此成為小肥的玩伴及傾心事對象，小肥幾乎每天都跟小白兔玩耍及餵飼牠，然而小白兔去世當日，小肥傷心得死去活來，隨後的個多月一直情緒低落！