涉打女友鄺敏慧（中巴）的崔建邦（Amigo），昨日再被爆料指愛追o靚模，曾拍迪士尼廣告、有「迪士尼女」之稱的o靚模Louisa亦曾是其「獵物」，Louisa說：「之前都同佢傳過緋聞，畀人翻舊帳好無奈！」她又透露已有感情穩定的男友，亦不覺Amigo有意追求：「佢不嬲都口花花，佢對所有女仔都係咁！」她又解釋當日出入Amigo家只因替對方做Styling。Louisa更表示曾與Amigo及其前女友唐詩詠（Natalie）飯敍，並就緋聞向Natalie致歉：「我同Amigo傳緋聞嗰陣，有主動同Natalie講唔好意思，但佢話慣咗畀人寫！」

促告別螢光幕

至於曾與Amigo傳緋聞的袁彌明（Erica），昨日談到Amigo主持的《娛樂十大奇案》播出後惹來多宗投訴，Erica認為節目不應在敏感時期出街：「好奇怪點解佢件事唔列入奇案！依家只係個女仔出嚟講，都唔知佢講嘅係咪真，但我覺得講太多會畀人覺得博出位，反而冇咗優勢！」問到有否致電慰問Amigo？她說：「梗係冇啦！我離開無綫前同佢合作嗰陣，佢態度非常惡劣！（追你嗰陣好啲？）曾經好好囉！」

此外，有雜誌爆料指Amigo與中巴「出事」的導火線，是因為Amigo不肯與中巴出席聖誕派對，故女方盛怒提分手，更揚言要將事情搞大，故二人在混亂間發生碰撞。另廣管局昨日接獲兩宗有關Amigo的投訴，包括要求他不要再在電視螢光幕出現，無綫則接獲一宗投訴。至於中巴及其經理人繼續潛水，助手則拒絕回應。