今日推出新碟《Threesome》的李克勤，其所屬的環球唱片公司是HKRIA成員，因版稅問題跟無綫關係決裂，作為無綫契仔的克勤被問到會否幫口「調停」？他說：「我何德何能？」更指事件是議價問題，私底下大家依然是朋友，相信事件會有圓滿解決的一日。
克勤的新碟宣傳受阻，有傳他大呻不滿，更有意跳槽，他笑說：「事實我係第一個受影響，最開心係傳言一出即有唱片公司搵我，掟張支票過嚟睇吓有冇誠意先？我好等錢使。」每年都跟無綫續簽歌手約的克勤，承認歌手騷價好低，只夠錢買一件恤衫：「我覺得冇問題，大家明白宣傳關係，但做主持嘅騷價就合理嘅。」而克勤昨日出席試聽會，獲高層送BB籃，拿禮物出來的同事正是日前拒無綫主播訪問謝安琪的工作人員，他抵死地指對方做「禮貌小姐」，笑爆全場！