前晚，莫文蔚（Karen）在上海舉行巡迴演唱會尾場，早前北京站的演出，當地傳媒激讚是2009年最好看的演唱會，令Karen信心大增！前晚她繼續以性感歌衫及長腿「色誘」歌迷，與男舞蹈員大跳貼身舞！穿上貼身閃石內衣及高踭鞋的她，站在鋼琴上扭動蛇腰，其後又換上甚有SM Feel的黑色長靴造型躺在床上獻唱，期間男舞蹈員更為Karen脫靴，場面火辣！而張亞東則繼續為她伴奏，電力十足的Karen不斷狂野喪跳，看得歌迷如癡如醉。

穿上性感小背心獻唱的Karen，色誘Fans。

Karen與舞蹈員及樂手戴上聖誕頭飾，與歌迷聖誕同歡。

演唱會當日正值Boxing Day，為延續聖誕節的開心氣氛，Karen與舞蹈員戴上聖誕頭飾與歌迷同歡：「大家一齊玩，好似開Party就啱！」Encore時她又特別為歌迷加唱《如果沒有你》一曲：「完成上一場之後，好多歌迷問我點解冇唱，所以今次特別唱番畀佢哋聽，頭先佢哋同我一齊大合唱，真係好感動，搞到我都忍唔住大叫『愛死你哋』！」

送禮慰勞工作人員

完騷後Karen與工作人員開Party交換聖誕禮物，收到耳咪作禮物的她興奮地說：「演唱會可以即刻用到，好開心！我特登趁住喺香港嗰幾日揀禮物！」除了忙於繼續四出巡迴演唱外，Karen透露正籌備全新專輯：「希望有更激嘅嘢畀大家睇！」