向來是緋聞絕緣體的任達華，早前獨自出席杭州一間酒店開幕禮並擔任嘉賓，有內地報道指他多了一名樣貌娟好的內地女子陪伴左右，他在機場會合一名身穿紫色羽絨長褸的女子後，雙雙坐車到開幕酒店的會場。據稱活動結束後，他與該名女子一同離開，再乘車前往另一間酒店留宿。
正身在外地的任達華，獲悉緋聞後得啖笑：「嗰個女仔係接待我嘅工作人員，仲有其他人一齊，佢哋拎住花係送畀我，咁我下次叫接待我嘅人唔好帶鮮花，帶水果籃嚟！嗰日好多人，都傳緋聞，幾離譜！」
至於琦琦對老公投以信任一票，她說：「老公眼中只得我同Ella（女兒）兩個人，以前都試過有個女記者喺Cafe訪問佢，點知畀人影咗相，就話係佢女朋友，不過佢都算少緋聞，下次不如搞單畀我。」她還打趣着記者將照片放大一點，好讓她看得更清楚！