新一代舞王陳偉霆(William),除咗勁歌熱舞吸引小小So注意外,佢一身潮爆打扮亦成為年輕少男嘅模仿對象,希望模仿William可以迷倒另一個「天使Baby」。小小So早排同William傾偈,原來佢嘅潮Look需要克服一啲心理障礙。
小小So:你着衫愈嚟愈潮喎!
William:好彩有形象指導幫我搵衫,同提點吓我囉!
小小So:係咪形象指導搵到乜,你就肯着上身?
William:咁搵得形象指導當然要信人哋嘅眼光,試過上次拍唱片封套,佢就搵咗一條銀色Leggings畀我着!我真係掙扎咗好耐!
小小So:點解?銀色太勁?
William:唔關顏色事,係太窄嘛!會現形㗎!
小小So:你對自己咁冇信心?
William:咁又唔係!雖然張相都只係見到兩條腿啫!但對我嚟講Leggings係女人嘢,着上身好大突破㗎!