祖兒在首個樂壇頒獎禮《新城勁爆頒獎禮2009》中大獲全勝，以狂風掃落葉式狂擸6獎，成為女歌手大贏家。她在慶功宴上，自感事業順風順水，除當新人那年外，已是第九年得該獎。問到可有信心明年連續第十年攞「新城勁爆女歌手」，她信心十足地說：「會再下一城，繼續努力，明年我就30歲，係女人重要關口。（有信心重奪「傳媒大獎」？）冇……就呃你，都有㗎！我唔似佢（Eason），我比較內斂。」至於明年大計，祖兒指要瞄準專輯獎，並挑戰Eason：「佢都攞咗咁多年，佢都悶啦！」

祖兒擔遮宣傳新碟，並加速為粉絲簽名。	小朋友送花和禮物給祖兒。	抱恙的基仔與祖兒雞啄唔斷，十分老友！

祖兒攞完獎後，昨日又為新碟《PERFECT 10 LIVE 2009》舉行簽名會，雖正值下雨，但無礙歌迷支持的心，有大批歌迷排隊索簽名。祖兒關心新碟出現炒價潮，苦了歌迷要多付一倍錢買碟，故唱片公司已趕緊加印，以滿足擁躉需求。

環球歌手拉大隊出席慶功宴。	吳雨霏捧走３個獎項，可喜可賀！	粉絲拉橫額和開香檳為徐子珊慶祝。

申請明年紅館開個唱

祖兒更報喜指她已入紙申請明年的紅館演唱會檔期，最理想是在聖誕節開騷，因屬「宅女」的她，可在演唱會中吸取人氣，但暫時尚未知能否如願以償。祖兒又自嘲好Dry，乾涸如山火紅色警報，任何人埋身也可一擦即着。至於好友Eason因唱片公司的版稅問題，在「勁歌總選」中的獎項凍過水，但祖兒覺得Eason不會愁，因他的個唱未開賣已售罄，況且凡事都有解決方法，明年尚有機會。她更指與Eason只談風花雪月，不說公事。