傅穎（Theresa）自從轉新公司之後，成個人精靈晒，工作量有增無減，唔使再憂柴憂米。小小So前排同Theresa身邊密友傾偈，原來Theresa一早「預知」自己事業運有阻滯，只係估唔到咁「甘」啫！
話說一向幾信風水相學嘅Theresa，今年初搵咗一位猛料風水師幫佢睇事業運程，兼睇吓自己應該走咩路線發展啦！點知嗰位風水師就「實不相瞞」，擰晒頭話佢今年25歲，事業上會遇到一個幾差嘅關口，將會有好多是非同埋阻滯，叫佢有心理準備，當時Theresa有少少擔心，但未知道發生咁多是非。但風水師補充話佢只要過咗呢關之後，前路都會幾好同幾順利，亦會有貴人扶助。Theresa密友話依家睇番轉頭，呢位猛料風水師真係勁堅，仲話希望個風水師繼續「靈驗」，Theresa以後事業會順利啲咁話喎！