23/12/2009

播放本新聞相關短片

小儀「搞掂」黃長興嫁得出

小儀與黃長興昨日拍攝新劇,劇情講述小儀終因內在美被長興欣賞而結成夫婦。

小儀對於今次在無綫劇集《Only You只有您》中「抱得美男歸」甚有感觸:「劇集係講黃長興喺低潮時得我扶持,因為我心地好而娶我,可以話畀啲女仔知,唔一定要外表靚至有婚結,我自知唔靚,所以有鼓勵性,不過我都未試過有長興咁靚仔嘅男友,佢成日電我呀!(恨嫁?)二十五歲已開始恨嫁,依家冇所謂囉!」

蒙嘉慧嫌結婚太煩

在劇中飾演婚禮統籌兼伴娘的蒙嘉慧(YoYo)表示,接觸過籌備婚禮的程序:「無論中式定西式都好煩,所以朋友係旅行結婚至好預我。(自己婚禮呢?)基本上都唔會諗。」此外,嘉穎雖然忙於拍劇,但聖誕、新年都出席宣傳活動賺外快,問到是否冇拖拍才搵錢至上?他說:「男人要養家,幾時都要努力搵錢,希望明年樓價跌可以買樓,儲夠彈藥喇!(老婆本呢?)豐儉由人嘅啫!都未有對象,儲定錢先啦!」

影視組