鋼琴王子陳雋騫和陳曦蓓前晚舉行婚宴，黃伊汶和丁子高等到賀。丁子高表示楊千嬅無暇到場，問到是否為明年的婚宴取經，他說：「學吓嘢！（教新人夫妻相處之道？）要識得欣賞對方，唔好去諗對方嘅壞處，有時佢（千嬅）坐喺度唔出聲，都好鍾意佢。（婚禮籌備成點？）準備緊，未畀檔期我，喺明年11月或12月搞，等佢完咗演唱會先。（年底撞頒獎禮？）好過演唱會前，可以影婚紗相先。（去邊度影？）未知，應該冇乜機會去第二度。」而陳雋騫大讚太太：「鍾意佢樣樣都好，識咗八年。（有咩難忘事？）中間有啲波折，係自己攞嚟衰。」 新娘則大讚老公細心和對人好。
