鍾蕙芝（Lavina）和胡心諾（Rainbow）昨日到柴灣影樓，為新推出的床上用品拍照，更請來男模穿上印有其肖像的孖煙囪。兩女穿上低胸睡衣擺出誘人甫士，與咕及毛巾合照。Rainbow被問及毛巾上寫着的「Wet Me」有甚麼用意？她鬼馬地說：「濕我囉！（點解要濕你？）個男仔沖完涼成身濕晒，咁佢可以攬住我，我幫佢吸乾晒啲水。（怕被指跟風？）唔怕，大家產品唔同，牛奶點可以同橙汁比？（係牛奶定橙汁？）我係牛奶，因為我鍾意飲奶。」Lavina則強調產品非賣弄性感：「最主要係想帶出我哋另外一面，就係性感、型格同藝術，賣點係真材實料，啲相冇得遮掩，唔可戴Bra同加墊！」