23/12/2009

播放本新聞相關短片

Lynn過節約城城BBQ

本文重點
熊黛林坦言恨與愛人在白色聖誕下吃燭光晚餐,未知愛打邊爐的郭富城會否圓女友的心願?

生於南京的熊黛林(Lynn)表示每逢聖誕節,老家定必白蒙蒙一片,可惜內地不着重聖誕,她沒有機會慶祝;隨着歲月變遷,如今Lynn已是香港炙手可熱的名模,更在這個地方邂逅天王郭富城,她說:「好開心喺香港識到好多朋友,我覺得聖誕應該成班朋友一齊玩,一齊拆禮物,咁先開心熱鬧!(最完美嘅聖誕節係點過?)一定要落雪,同埋同自己鍾意嘅人食燭光晚餐,跟住拆禮物,禮物一定要包到好靚,因為拆禮物嘅過程係最開心!(但城城鍾意打邊爐?)聖誕打邊爐?好似好奇怪,不如去燒嘢食啦,一樣暖笠笠!」

曾織頸巾贈舊愛

今個聖誕,Lynn不用工作,可靜靜享受幾天假期;原來每逢大時大節,她也堅持不開工,她說:「一年唔係好多大節日,所以過年、聖誕同自己生日,我都一定唔做嘢,有錢都唔搵,同朋友去玩。」Lynn笑言很着重收禮物,禮物唔使好昂貴,因物輕情義重,問到會否親手做禮物給城城?她甜笑說:「以前都有織過頸巾畀朋友,但全部都係低針,最簡單嗰種,雖然唔係好靚,但都希望佢哋會戴!」

名人組