無綫女藝員唐詩詠與崔建邦（Amigo）於05年傳出緋聞，拍拖四年間，Amigo多次被傳劈腿及分手。雖然屢傳離離合合，但詩詠今年三月亡母出殯，他以男友身份到場打點。本月初，有指Amigo搭上中巴混血兒「中巴」鄺敏慧，與詩詠結束四年情。詩詠上周四（17日）與情敵鄺敏慧同場，問到是否認識對方時，她即寸爆說：「唔食巴西菜，太熱氣！」更刻意避席後台，在記者要求下才勉強與對方合照。此外，詩詠亦被指與Amigo分手後改戀黃嘉樂，但她已即時否認。
對於Amigo對「中巴」動粗一事，詩詠說：「我唔會回應呢件事，唔想幫人做宣傳。下晝先同Amigo有SMS通訊，我覺得佢冇異樣。（點解會同佢SMS？）Amigo幫我拎咗啲演唱會飛，我純粹同佢Say Thank You，總之我同佢SMS嘅時候，佢係冇異樣嘅。」