徐子珊昨日舉行簽名會，吸引逾百歌迷撐場，令她大感開心，事前得知同日撞正鍾嘉欣舉行簽名會，子珊表示不擔心大家將兩人比較：「我諗唔會咁苛刻啩！我始終仲係新人，我只係驚今日好多活動，冇乜Fans同記者嚟。」子珊自知歌手形象未夠突出，要加把勁為頒獎禮造勢：「我驚啲人唔記得我。」

「連街坊都要避」

自信心不足的子珊，因演出曾走音而擔心歌迷和觀眾離棄她，所以演出前先跟老師上堂練歌：「熱咗身信心好啲，個人定啲冇咁緊張。」今年要交逾6位數字稅款的子珊希望愈交愈多，證明豬籠入水。

另一邊廂，鍾嘉欣在apm舉行簽名會，大會透露派了300個籌，場面熱鬧，Fans送上集齊各地歌迷的祝福語及蛋糕給她，更有男歌迷說：「你唔係自己一個人，我哋永遠支持你。」令嘉欣感動到眼紅紅說：「如果有男仔咁同我講，都會視佢為結婚對象。（伍允龍有冇講過？）冇喎！（街坊踢爆你成日去伍允龍屋企？）藝人平時已經要避記者、狗仔隊，依家連街坊都要避。」

對於與伍允龍的緋聞，嘉欣不置可否說：「希望大家注意我嘅工作，私人生活我盡量少提。」但嘉欣坦言不知道與子珊同日搞簽名會：「最緊要大家開心，唔驚競爭，歌手出碟唔係為上位、攞獎。」